22-01-2023

Новиот 500 прогласен за Најдобар мал градски електричен автомобил (“best small electric car for the city”) и Најдобар кабриолет за вредноста (“best convertible for value”) на Конкурсот за наградите на What Car? 2023

• Новиот 500 награден за неговите возачки перформанси и стилскиот изглед од страна на магазинот What Car?
• За помалку од три години, Новиот 500 освои 37 интернационални награди во девет земји, со што овој модел на ФИАТ стана најнаградуван од кога и да е.
• Уште од неговото лансирање Новиот 500 стана најбаран модел, во сопственост на скоро 120,000 корисници ширум светот. Во текот на 2022, Новиот 500 беше најпродаван електричен автомобил во Италија и се најде на подиумот во Шпанија и Германија.

Целосно електричниот Нов 500 беше прогласен за најдобар мал градски електричен автомобил и најдобар кабриолет за вредноста на Конкурсот за награди на магазинот What Car? 2023, со што се здоби со уште едно признание од страна на автомобилските експерти и збогатувајќи ја палетата награди со 37-та по ред. Така, овој модел на ФИАТ стана најнаградуван од кога и да е.

Жирито го награди овој автомобил за неговите возни способности и иконскиот дизајн.

Успехот е потврден и со брилијантните резултати од продажбата: од неговото лансирање во 2020 година, Новиот 500 беше продаден во 120,000 примероци низ целиот свет. Во 2022, беше најпродаван електричен автомобил во Италија, а се најде на подиумот и во Шпанија и Германија. И тоа не е сè: минатата година, Новиот 500 беше трет најпродаван електричен автомобил на десетте најголеми пазари во Европа и најдобро продаван BEV на Групацијата Стелантис во Европа.

Дизајниран во Торино, Новиот 500 е симбол на италијанската креативност и постојано освојува нови фанови на производите Made-In-Italy во светот. Новиот 500 во моментов се продава во 38 земји, на четири различни географски предели: од Европа до Латинска Америка, од Средниот Исток до Јапонија. Предводникот на стратегијата за електрификација на марката, Новиот 500 наскоро ќе се најде на пазарот и во Соединетите држави, со што ќе го продолжи својот пат надвор од Европа.

Торино, 20^ти јануари 2023