Оливие Франсоа, извршниот директор на ФИАТ и директор за маркетинг на Стелантис, изјави: „Најдобриот начин да се прослават 125 години ФИАТ е да се започне со пишување на првите страници од нашата иднина, почнувајќи со новата Гранде Панда. Дизајнирана во Торино, од страна на нашиот Стилски Центар, новиот автомобил на ФИАТ ги отелотворува вредностите на оригиналната Панда. Со цел да се утврди присуството на марката во целиот свет, овој компактен автомобил е базиран на глобална платформа. Со Гранде Панда, ФИАТ ја започнува својата транзиција кон заедничка глобална платформа која може да се прилагоди на потребите од сите региони во светот, пренесувајќи ги остварените придобивки до своите клиенти ширум светот. Гранде Панда е идеална за семејството и за движење низ градовите во секоја земја... токму тоа е ФИАТ!“

Гранде Панда е првиот модел од новото семејство, ќе се шири со лансирање на ново возило секоја година, до 2027 година. Новата серија модели е дизајнирана за да ги освои патиштата низ целиот свет и да ја комплетира гамата на марката. Иновативниот проект на марката се состои од креирање возила на иста глобална мултиенергетска STLA Smart платформа, достапна во секој регион од светот, што ѝ овозможува на марката да креира различни возила што одговараат на подеднакво различните потреби на клиентите.

Гранде Панда е претставена како возило од сегментот Б со должина под 4 метри, со едноставни линии и добро организиран простор за пет патници благодарение на компактниот волумен, совршената удобност за семејството и движењето низ град во денешни услови.

ФИАТ ГРАНДЕ ПАНДА: ДИЗАЈНИРАНА ВО ИТАЛИЈА ЗА ЦЕЛИОТ СВЕТ

Дизајнирана во Италија во Стилскиот Центар во Торино, моделот на ФИАТ, Гранде Панда се издвојува од другите автомобили од сегментот Б по својата единствена компактност, со должина од само 3,99 метри - помалку од просекот во сегментот од 4,06 метри - и се карактеризира со едноставни линии и добро организирана просторност, благодарение на компактниот волумен. Новиот модел собира пет лица и е совршен за семејството како за движење низ град во денешни услови, така и за сите други терени. Робустен и структуриран во волумен со што ја истакнува силината на својата оригиналност, со динамичен и впечатлив дизајн на каросеријата, генериран од многу затегнати профилни линии, проектот Гранде Панда е осмислен за да ѝ овозможи на марката да се проектира во иднината преку иновативно и интелигентно користење на просторот, кул персоналност и изненадувачки елементи.

Надворешноста на новиот ФИАТ Гранде Панда се одликува со посебна комбинација од структурирани линии и меки, но решителни површини, кои ги истакнуваат робусните лакови на тркалата. Италијанската суштина на новата ФИАТ Гранде Панда се истакнува преку иконскиот италијански дизајн, синоним за убавина. Овој компактен автомобил ќе биде достапен со светли бои на каросеријата, меѓу кои и жолта.

Однапред, се одликува со компактен волумен со нов препознатлива лик. Прецизните ортогонални линии го прават распоредот на квадратната мрежа што создава забрзан и силен графички шаблон, генерирајќи еден вид пикселна интерпункција што се протега од центарот на сјајно црната горна решетка до фаровите. Оплатата во долниот централен дел од браникот го нагласува UV ставот, додека фаровите, составени од опалински коцки, се инспирирани од прозорците на фасадите на фабриката Лингото. Покрај оригиналниот светлосен потпис, дневните светла се трансформираат во трепкачи и осветлуваат некои од коцките што се појавуваат како хоризонтални пиксели распоредени во шема на шаховска табла. Од страна, конфигурацијата на ФИАТ Гранде Панда потсетува на робусноста на Панда од 80-тите, со неспорен шарм благодарение на динамичноста на патничкиот простор и прозорците. Клинестиот став на каросеријата и патничкиот простор е нагласен со шипките на покривот што ја поместуваат највисоката визуелна точка кон задниот дел. Со почит кон класичната Панда 4x4, ФИАТ Гранде Панда има 3Д печатени барелјефни букви на вратите кои ја рефлектираат околината и го анимираат долниот страничен дел. Покрај тоа, цврстиот столб „C“ верно го репродуцира непогрешливиот наклон на аголниот однос со вертикалниот волумен на задниот дел. Црната квадратна значка е поврзана со графиката на прозорците, помагајќи да се генерира сугестивен ефект на леќа, трансформирајќи ги четирите букви ФИАТ во четири ленти.

Цврстите поткрила на тркалата му даваат на задниот дел од автомобилот смел изглед, истакнат со наклонот на прозорците, целокупниот распоред на задниот прозорец, предните светла и поткрилата даваат заштитен, стабилен и прекрасен изглед. Дополнителна почит кон оригиналната Панда се оддава преку сјајна црна рамка со тридимензионалните букви Панда, елемент кој истовремено го зголемува волуменот на автомобилот. Конечно, за да се зачува темата на геометријата од 80-тите во комбинација со футуристички стил, 17“ алуминиумски тркала со дијамантска форма се засилени со впечатлив и стилизиран X дизајн.

Почнувајќи од сегашноста, новата ФИАТ Гранде Панда се стреми кон обликување на иднината преку својот нов и посебен дизајнерски јазик. ФИАТ има за цел да им обезбеди на клиентите ширум светот уникатен автомобил кој ги изразува сите вредности на марката преку препознатливиот дизајн.