03-10-2022

Стелантис во Тики слави производство на 12.500.000 возила

Во фабриката на Стелантис во Тики, Полска крајот на септември беше одбележан со производството на 12.500.000-иот автомобил кој излезе од производната линија. Ексклузивниот рекорден автомобил е еден прекрасен двобоен Fiat 500 “Dolcevita”, опремен со авангарден хибриден мотор и ќе биде испорачан на купувач од Белгија.

Како што налага традицијата, вработените во фабриката во Тики ги одбележуваат автомобилот пред јубелејниот и тој веднаш по него. Автомобилот со број 12.499.999 беше една елегантна Ланча Ипсилон хибрид, која замина на италијанскиот пазар, додека пак оној со +1, број 12.500.001, е моќен спортски Abarth 695 Tributo 131 Rally наменет за Германија.

«Уриваме нови рекорди и сето тоа е благодарение на нашиот сакан Fiat 500. Благодарение на производството на овој модел нашата фабрика достигна импресивна бројка од 12,5 милиони автомобили – прокоментира Томаш Гебка, директор на фабриката на Стеланти во Тики – . Веќе долги години, Fiat 500 е еден од омилените автообили во Европа во сегментот на мали градски автомобили и горди сме што нашиот Fiat 500 доминира на листата на најпродавани во својот сегмент во Полска.»

Fiat 500 значајно придонесе за овој рекорд и претставува еден од најуспешните модели повеќе од 15 години. Во моментов, Fiat 500 е лидер во сегментот А во Франција, Германија, Шпанија, Обединетото Кралство и на 10 други европски пазари и е втор во Италија и Европа по Fiat Panda.

Во фабриката во Тики наскоро ќе започне и производството на најновиот  Jeep® Avenger, првиот комплетно електричен SUV Jeep и воопшто првото електрично возило произведено во Полска за мејнстрим пазарот.