09-09-2018

Новиот 500L S-Design: емоции и спортски дух за младите семејства

Со новата специјална серија на 500L се проширува семејството на Fiat S-Design која веќе ги поднови истоимените изданија кај моделите 500X, Tipo 5 врати и 124 Spider.

Наменета за младите и животот во метропола, специјалната серија 500L S-Design одушевува со динамизмот на моделот “Cool&Capable” на куќата Fiat.

Реализиран врз основата на верзијата Cross, новиот crossover 500L S-Design нуди подигната поставеност, спортски изглед и ексклузивна боја на каросеријата, мат бронзена со црн сјаен кров, како и детали со обработка Myron, наплатки од 17″ во две бои и специфичен спортски ентериер.

Најнапредни системи за поврзување преку системот Uconnect 7″ HD LIVE со екран на допир кој гарантира целосна интеграција со паметните телефони благодарение на апликациите Apple CarPlay и Android AutoTM.

На располагање се бензинските и дизел моторите со хомологација според стандардот Euro 6/D.

500L S-Design има за цел да го утврди успехот на моделот лансиран во 2012 и кој за само 5 години се зацврсти на врвот во сопствениот сегмент и кој во Италија е апсолутен лидер од самото негово појавување.